ترانۂ تعلیم و تربیت

دعا

یہ نظم ہر نشست کے آغاز میں پڑھی جاتی ہے۔ اقبال یہاں علم نہیں مانگتے — تڑپ مانگتے ہیں۔

علامہ محمد اقبال · بانگِ درا — کلیاتِ اقبال

یا رب! دلِ مسلم کو وہ زندہ تمنا دےجو قلب کو گرما دے، جو روح کو تڑپا دے

پھر وادیِ فاراں کے ہر ذرے کو چمکا دےپھر شوقِ تماشا دے، پھر ذوقِ تقاضا دے

محروم تماشا کو پھر دیدۂ بینا دےدیکھا ہے جو کچھ میں نے، اوروں کو بھی دکھلا دے

بھٹکے ہوئے آہو کو پھر سوئے حرم لے چلاس شہر کے خوگر کو پھر وسعتِ صحرا دے

پیدا دلِ ویراں میں پھر شورشِ محشر کراس محملِ خالی کو پھر شاہدِ لیلیٰ دے

اس دور کی ظلمت میں ہر قلبِ پریشاں کووہ داغِ محبت دے جو چاند کو شرما دے

رفعت میں مقاصد کو ہمدوشِ ثریا کرخودداری ساحل دے، آزادیِ دریا دے

بے لوث محبت ہو، بے باک صداقت ہوسینوں میں اجالا کر، دل صورتِ مینا دے

احساس عنایت کر آثارِ مصیبت کاامروز کی شورش میں اندیشۂ فردا دے

میں بلبلِ نالاں ہوں اک اجڑے گلستاں کاتاثیر کا سائل ہوں، محتاج کو داتا دے